Android болон iPhone хэрэглэгчдийн мессеж анх удаа бүрэн нууцлалтай болов

Google-ийн олон жилийн шахалтын үр дүнд Apple компани RCS (Rich Communication Services) стандартыг нэвтрүүлснээр Android болон iPhone хэрэглэгчдийн хоорондох мессеж анх удаа "end-to-end" нууцлалтай боллоо. Энэхүү шинэчлэлт нь хоёр платформын хооронд илгээгдэж буй текст, зураг, видео зэрэг мэдээллийг гуравдагч этгээд унших боломжгүй болгож байгаа юм. Өмнө нь iPhone болон Android төхөөрөмжүүдийн хооронд мессеж илгээхэд хуучны, нууцлалгүй SMS/MMS технологийг ашигладаг байсан нь хэрэглэгчдийн мэдээллийн аюулгүй байдалд эрсдэл учруулж, медиа файлын чанарыг бууруулдаг байв. Google компани хэрэглэгчдийн харилцааг илүү уян хатан, аюулгүй болгох зорилгоор Apple-ыг RCS стандартыг нэвтрүүлэхийг олон жилийн турш уриалж, олон нийтийн кампанит ажил өрнүүлж байсан билээ. Apple-ийн энэ шийдвэр нь технологийн хоёр том өрсөлдөгчийн хоорондох харилцааны чухал алхам болж, сая сая хэрэглэгчийн дижитал аюулгүй байдлыг сайжруулж байна. Эх сурвалж: TechCrunch