Уолл Стрит долларын эргэн ирэлтэд бооцоо тавьж, ханш огцом өсөв

Ам.доллар сүүлийн нэг жилийн хугацаан дахь хамгийн өндөр өсөлттэй сараа үдэж байна. Уолл Стритийн томоохон банкууд АНУ-ын валютын хувьд нөхцөл байдал эерэгээр эргэж, ханш сэргэнэ гэсэн хүлээлттэй болсон нь үүнд голлон нөлөөлжээ. АНУ-ын Холбооны нөөцийн сан (Fed) илүү хатуу мөнгөний бодлого баримталж магадгүй гэсэн таамаг нь хөрөнгө оруулагчдын дунд долларын өсөлтөд итгэх итгэлийг нэмэгдүүлж, зах зээлд "bullish" буюу өсөлтийн хандлагыг идэвхжүүлээд байна. Энэхүү өөрчлөлт нь долларын ирээдүйн төлөвийн талаарх шинжээчдийн үнэлгээг шинэ шатанд гаргаж ирлээ. Эх сурвалж: Bloomberg Markets