Инфляц буурахгүй байгаа тул Fed хүүгээ өсгөнө гэх таамаг давамгайлав

Газрын тосны үнэ өсөж, инфляц өндөр түвшинд хадгалагдаж байгаатай холбоотойгоор арилжаачид АНУ-ын Холбооны нөөцийн сан (Fed) бодлогын хүүгээ дахин өсгөнө гэсэн хүлээлттэй байна. Үүний дүнд АНУ-ын Засгийн газрын үнэт цаасны үнэ унана гэсэн таамаг буюу "bearish" бооцоог дахин идэвхжүүлж эхэллээ. Сүүлийн үеийн эдийн засгийн мэдээллүүд инфляцын дарамт буурахгүй байгааг харуулсан нь хөрөнгө оруулагчдын төсөөллийг өөрчилж, Fed-ийн мөнгөний хатуу бодлого үргэлжилнэ гэх хүлээлтийг бий болгов. Ялангуяа эрчим хүчний үнийн өсөлт нь инфляцыг хяналтад оруулах үйл явцыг удаашруулж болзошгүй гэсэн болгоомжлолыг төрүүлж байна. Иймд бондын зах зээлд оролцогчид үнийн уналтад бэлтгэж, богино хугацааны позиц эзэлж эхэлсэн нь Засгийн газрын үнэт цаасны өгөөжийг өсгөхөд нөлөөлж байна. Зах зээл одоо ойрын хугацаанд бодлогын хүүг дахин нэг удаа өсгөх магадлалыг өндрөөр үнэлж эхэллээ. Эх сурвалж: Bloomberg Markets