Умард Солонгос Binance-ээс $6.3 тэрбум хулгайлсан буруутгалыг няцаалаа

Умард Солонгосын эрх баригчид Binance крипто биржээс $6.3 тэрбум хулгайлагдсан хэргээр өөрсдийг холбоотой гэсэн мэдээллийг сүүлийн өдөр няцаажээ. Умард Солонгосын удирдагч Ким Жон Уны төрсөн дүү Ким Ёо Жон энэхүү буруутгал нь АНУ-ын зүгээс Пёняны нэр хүндийг гутаах гэсэн "хорон санаат оролдлого" гэж үзэж байна. Харин АНУ-ын Холбооны Мөрдөх Товчоо, Нууц Алба болон кибер аюулгүй байдлын шинжээчид энэ халдлагыг түүхэнд гарсан хамгийн том хулгай гэж үзэж, Умард Солонгосын удирддаг хакерууд үйлдсэн гэж дүгнэжээ. Шинжээчдийн мэдээлэлээр төрийн дэмжлэгтэй "TraderTraitor" хэмээх хакеруудын бүлэглэл энэ халдлагыг үйлдсэн байна. Холбооны Мөрдөх Товчоо олон улсын түншүүдээ уриалж, уг бүлэглэлтэй холбоотой крипто данснуудаар хийгдэх гүйлгээг хаахад туслахыг хүсэж байна. Умард Солонгосын удирдагч мэдэгдэлдээ "дэлхийн өнцөг булан бүрд гарч буй бүх кибер гэмт хэргийг манай улс үйлдсэн мэтээр олон улсыг төөрөгдүүлж байгаа нь АНУ-ын эсрэг чиглэсэн ноцтой улс төрийн өдөөн хатгалга" гэж үзэж байна. Гэхдээ Пёняны дэглэм сүүлийн жилүүдэд дэлхий дахинд гарсан хэд хэдэн томоохон кибер халдлагад буруутгагдсаар ирсэн ч тухай бүрд үгүйсгэсээр ирсэн. Үүний жишээ нь "TraderTraitor" бүлэглэл 2025 онд Bybit крипто биржээс $1.5 тэрбум хулгайлсан хэргээр буруутгагдсан явдал юм. Эх сурвалж: ikon.mn