Мал нядлахгүйгээр мах идэх ирээдүй: Лабораторийн мах дэлгүүрийн лангуун дээр

Таны идэж буй стейк, бургер заавал мал нядалж бий болох албагүй боллоо. Шинжлэх ухаанчид малын эсээс (cell) лабораторийн орчинд жинхэнэ мах ургуулах технологийг нэвтрүүлж, АНУ болон Сингапурт худалдаалах зөвшөөрлөө авчээ.

Энэ яаж боломжтой вэ? Амьд малнаас өвдөлтгүйгээр маш жижиг эс авч, түүнийгээ шим тэжээлтэй орчинд (Bioreactor) ургуулдаг. Үр дүнд нь гарсан бүтээгдэхүүн нь бүтэц, амт, шим тэжээлийн хувьд жинхэнэ махтай 100% ижил. Хамгийн гол нь ямар ч антибиотик, нянгийн бохирдолгүй.

Байгаль орчинд үзүүлэх нөлөө Манай дэлхийн нийт хүлэмжийн хийн 15%-ийг мал аж ахуй ялгаруулдаг. Лабораторийн мах нь газар ашиглалтыг 90%, усны хэрэглээг 80% бууруулах боломжтой. Монгол шиг мал аж ахуйн оронд энэ технологи ирээдүйд хэрхэн нөлөөлөх бол?