Барилгачид хэрэггүй гэж үү? 24 цагийн дотор "Байшин" хэвлэдэг технологи

Дэлхий даяар орон сууцны үнэ тэнгэрт хадаж, залуу гэр бүлүүд байртай болоход хэцүү болсон цаг үед технологийн салбар шинэ гарц санал болгож байна. Энэ бол 3D Printing Construction юм. АНУ-ын ICON компани Техас мужид 100 айлын бүхэл бүтэн хорооллыг зөвхөн аварга том принтер ашиглан "хэвлэж" дуусгалаа.

Яагаад ирээдүй гэж? Уламжлалт барилга барихад олон сар, олон зуун ажилчин шаардлагатай байдаг бол 3D принтер нь 24-48 цагийн дотор байшингийн ханыг бүрэн босгодог. Энэ нь хүний оролцоог багасгаж, барилгын өртгийг 30-50% бууруулж байна.

Чанарын хувьд? Тэдний ашигладаг тусгай бетон хольц (Lavacrete) нь энгийн бетоноос бат бөх бөгөөд байгалийн гамшиг, хар салхинд тэсвэртэй болох нь батлагдсан. Мөн загварын хувьд дөрвөлжин биш, хүссэн дугуй, муруй хэлбэрээрээ хэвлэх боломжтой нь архитектурын эрх чөлөөг олгож байна.

Цемент, арматурын үнэ өссөн Монгол улсад энэ технологийг нэвтрүүлбэл гэр хорооллыг хямд зардлаар хаус хороолол болгох боломж бий болов уу?